மனசுக்குள் வளரும் ஆலமரம்
ஒற்றைக்கால் கொண்ட
பச்சைக் கம்பளக் கட்டிலாய்
விசாலித்திருக்கிற ஆலமரம்
பெருமைகள் நிறைந்துவழிய
தன் சாதனைச் சொற்களை
என் செவிகளுக்குள் திணித்தது.
தான்
வெயில் வாங்கி நிழல் கொடுப்பதாய்...
வேர்வைத்துளிகளை காய வைப்பதாய்...
மழைக்கு பெருங்குடை பிடிப்பதாய்...
குருவிக் குஞ்சுகளுக்கு பிரசவ விடுதியாயும்...
அணில்பிள்ளைகளுக்கு
விளையாட்டு மைதானமாயும்
இருப்பதாய் விலாசமடித்ததது.
வென்றதும் தோற்றதுமான
பல காதல்கள்
முதன்முதலில் தன் மேனியிலேயே
பதிவு பண்ணிக்கொண்டதாக
தழும்புகள் காட்டியது.
சிறுவர்கள் ஊஞ்சலாட
விழுதுகள் கொடுப்பதாயும்..
பெருசுகளிருந்து புகையிழுத்து விட
வேரடிகளை கொடுப்பதாயும்...
ஆச்சியொருத்தி கச்சான் விற்க
குளி்ர்மையான இடம் கொடுப்பதாயும்
சுய விளம்பரம்செய்தது.
தன் சாதனைகளை
சலசலத்துக் கொண்டிருந்த
ஆலமரத்தின் நிழலுக்கு கீழே
பறவை விழுத்திய எச்சத்துக்குள்ளிருந்து
முளைவிட்டு கருகிக் கொண்டிருந்த விதை
குற்றம் சாட்டியது.
ஆலமரம்
தனக்கு கீழிருக்கும் எதையும்
வளரவிடாது தடுப்பதாய்.
தீபிகா
02.12.2011
1.58 Pm.
பச்சைக் கம்பளக் கட்டிலாய்
விசாலித்திருக்கிற ஆலமரம்
பெருமைகள் நிறைந்துவழிய
தன் சாதனைச் சொற்களை
என் செவிகளுக்குள் திணித்தது.
தான்
வெயில் வாங்கி நிழல் கொடுப்பதாய்...
வேர்வைத்துளிகளை காய வைப்பதாய்...
மழைக்கு பெருங்குடை பிடிப்பதாய்...
குருவிக் குஞ்சுகளுக்கு பிரசவ விடுதியாயும்...
அணில்பிள்ளைகளுக்கு
விளையாட்டு மைதானமாயும்
இருப்பதாய் விலாசமடித்ததது.
வென்றதும் தோற்றதுமான
பல காதல்கள்
முதன்முதலில் தன் மேனியிலேயே
பதிவு பண்ணிக்கொண்டதாக
தழும்புகள் காட்டியது.
சிறுவர்கள் ஊஞ்சலாட
விழுதுகள் கொடுப்பதாயும்..
பெருசுகளிருந்து புகையிழுத்து விட
வேரடிகளை கொடுப்பதாயும்...
ஆச்சியொருத்தி கச்சான் விற்க
குளி்ர்மையான இடம் கொடுப்பதாயும்
சுய விளம்பரம்செய்தது.
தன் சாதனைகளை
சலசலத்துக் கொண்டிருந்த
ஆலமரத்தின் நிழலுக்கு கீழே
பறவை விழுத்திய எச்சத்துக்குள்ளிருந்து
முளைவிட்டு கருகிக் கொண்டிருந்த விதை
குற்றம் சாட்டியது.
ஆலமரம்
தனக்கு கீழிருக்கும் எதையும்
வளரவிடாது தடுப்பதாய்.
தீபிகா
02.12.2011
1.58 Pm.
15 comments:
தொடர்ந்து சிறப்பான பதிவுகளை தரும் தங்களை அன்புடன் வரவேற்கிறோம்..
வாழ்த்துக்களுடன்
தங்களது கவிதையை எமது தமிழ் குறிஞ்சி இணைய இதழில்கவிதைகள் பகுதியில் வெளியிட்டுள்ளோம் என்பதை மகிழ்ச்சியுடன் தெரிவித்துக் கொள்கிறோம்.
மேலும் தங்கள் படைப்புகளை தமிழ்க்குறிஞ்சி அன்புடன் வரவேற்கிறது.
படைப்புகளை அனுப்ப வேண்டிய மின்னஞ்சல் முகவரி : tamilkurinji@gmail.com
மனசுக்குள் வளரும் ஆலமரம் விழுதுவிட்டு விசாலமாய் கவிதை இடம்பிடித்துவிட்டது..
பாராட்டுக்கள்.. வாழ்த்துகள்..
ஆலமரத்தின் நிழல் போன்ற அருமையான குளுமையான கவிதை தான்.
சிறிய அந்த விதை பேசுவதாகச் சொன்னதும், ரஸிக்கக்கூடியதாகவே உள்ளது.
ஆலமரத்தடிக்கு வந்து நிறை-குறை பகிர்ந்த அனைவருக்கும் என் நன்றிகள்.
நல்ல கவிதை வாழ்த்துகள்..
வாக்கு (TM-TT)
அன்போடு அழைக்கிறேன்..
மௌனம் விளக்கிச் சொல்லும்
தங்கள் வாழ்த்துக்களுக்கு நன்றி மதுமதி.
தீபிகா ,
அனைத்தும் அருமையான கவிதைப் பதிவுகள் !
வாழ்க வளர்க தோழியே !
தங்கள் வருகைக்கும்..வாழ்த்துக்களுக்கும்
நன்றி சகோதரி ஸ்ரவாணி.
கழிவுகள் இன்றி உற்பத்தி இல்லை
விஷம் இல்லாது அமுதெடுப்பதென்பது
தேவர்களாலும் முடியாது
அருமையான படைப்பு.வாழ்த்துக்கள்
தங்கள் உற்சாகமூட்டும் கருத்துக்கு இனிய நன்றிகள்.
இப்படி எல்லாமுமய் இருக்கிற ஆலமரங்களும் சரி, மற்றவைகளும் சரி சமீபமாய் வெட்டப்படுகிறபோது எழுகிற சோகம் சொல்லி மாளாதது.
பூமியின் வரங்கள் மரங்கள் -அதை
வெட்டிடும் கரங்களின் மனசில்
என்றுமே இல்லை அறங்கள்.
உங்கள் சோகத்தை நானும் உணர்கிறேன் விமலன்.நன்றி.
அட ஆலமரத்தை வச்சு அழகான கவிதை சொல்லி இருக்கும் விதம் அருமை.
வருகைக்கும்- உங்கள் வார்த்தைகளுக்கும் நன்றி தனசேகரன்.
Post a Comment